26/12/2023
ከዎላይታ አራዳ ደብረገነት ቅዱስ ጊዮርጊስ ቤትክርስቲያን አንድ ቄስ ከአንድ ሚሊዮን ብር በላይ ይዘው መጥፋቱ ተገለፀ።
በላፈው ሳምንት በዎላይታ ሶዶ ከተማ አራዳ ደብረገነት ቅዱስ ጊዮርጊስ ገዳም ቤትክርስቲያን የቤተክርስቲያኗ "አገልጋይ የነበሩት ቄሰ/ካህን" አወቀ ምህረት ለጊዜው ምክንያቱ ባልታወቀ ሁኔታ የቤተክርስቲያኗ ተቀማጭ የሆነውን ከአንድ ሚሊየን ብር በላይ ጥሬ ገንዘብ ይዘው መጥፋቱን የደረሰን መረጃ ያመለክታል።
በቤተክርስቲያኗ ውስጥ ገንዘብ ይዘው ከጠፉ ቄስ ጋር ለረጅም ጊዜ ሲያገልግል የነበረው አንድ ቄስ ለዎላይታ ታይምስ ሚዲያ እንደገለፁት "ካህኑ በጣም በሚያሳዝን ሁኔታ የቤተክርስቲያን ተቀማጭ ገንዘብ የነበረውን በማጭበርበር ከተሰወረ ሳምንት ሆኗል" ብለዋል።
አሁን ላይ ቤተክርስቲያኗ ገንዘብ አጭበርብረው የተሰወረውን ቄስ/ካህን ለማግኘት ጥረት በማድረግ ላይ መሆኗን በመግለፅ ለጊዜው በግለሰቡ ባንክ ታግዶ ቀጣይ ስራዎች እየተከናወነ ስለመሆኑም አስረድተዋል።
ቄሱ ከጥሬ ገንዘብ በተጨማሪ ሌሎች ውድ የሆኑ የቤተክርስቲያኗ እቃዎችን ይዘው እንደተሰወሩ፣ ከየትኛው አካል ጋር ለምን አላማ ተባብረው ያንን አሳፋሪ ተግባር እንደፈፀመ ከሚመለከታቸው አካላት ጋር የማጣራት ተግባርም እየተሰራ ስለመሆኑም የመረጃ ምንጫችን አክለው ገልጸዋል።
ዘገባው የWolaita Times ነው
ሞዴል ካስቲንግDidi Gaga world
