11/05/2026
Just For Today Meditation
(Tagalog Version)
Mayo 11
Pagbalanse sa timbangan
"Ang ating mga pangunahing alalahanin at suliranin ay mula sa kakulangan ng karanasan mamuhay na walang droga. Kadalasan kapag tinanong natin ang mga datihan kung ano ang gagawain, nagtataka tayo sa pagiging simple ng sagot. "
Pangunahing
Teksto, p. 43
--------=--------
Ang pagbalanse sa pagbabago ay inihambing sa lagay ng timbangan at tumpok na buhangin. Ang layunin ay ipagpantay ang dami ng buhangin sa bawat panig ng timbangan at makamit ang balanseng bigat.
Ganito rin sa ating pagbabago. Umupo tayo sa pundasiyon ng kapanahunang malinis at sa Labing-dalawang Hakbang, at sinubok idagdag magtrabaho, mga responsibilidad sa kabahayan, kaibigan, sponsees, relasiyon, miting, at serbisiyo sa pantay na proporsiyon upang balanse ang timbangan. Sa unang pagsubok ay malamang nawala sa balanse ang ating personal na timbangan. Marahil ay napagtanto, na ang labis na pagkasangkot sa serbisiyo ay ikina-yamot ng ating amo o ng pamilya. Pero pag sinubok iwasto itong problema sa antimanong pagbitiw sa serbisyo ng NA, ang personal na timbangan ay mawawala din naman sa balanse.
Maaari tayo humingi ng tulong sa kapatiran na matatag ang timbangan. Madaling makilala ang mga isponsor. Sila ay itsurang mahinahon, mapagtimpi, at may tiwala sa sarili. Taglay ang ngiti sa ating kalagayan, ibabahagi nila ang paraang kalmado, kung gaano magdagdag ng butil-butil na buhangin sa magkabilang panig ng timbangan, at kung paano gantimpalaan nang balanseng buhay sa pagbabago.
--------=--------
Para lang sa araw na ito: Hahangarin ko ang balanse sa buhay. Sa araw na ito, hihingi ako ng tulong sa kapatiran na magbahagi ng kanilang karanasan sa pagsaliksik ng balanseng iyon.
*Ang pagsalin na ito mula sa "Just for Today" ay hindi pa aprubado ng NA World Board.
