Kuukskesmaondaag

11/12/2025

De Olumpiese Sjpele nao Remunj‼️‼️‼️

Leef luuj van Remunj, Zjwame, Azeraoj en alle gehuchte waat nog meer om os sjtad ligke. Veer van Kuukskesmaondaag moge nao jaore vergadere kinbaar make det Remunj zich kandidaat geit sjtelle veur de Olumpiese Sjpele 2044. Det liek netuurlik nog wied e weg maar veer van Kuukskesmaondaag weite es gein angere des se alles good en toet de perfeksie mos organizere en daorom zeen veer d’r zo vreug biej.
Det haet ouch zo zien veurdeile. Vergeliekbare sjtedjes zo es New York, Buenos Aires en Kinshasa bed**ke zich waal twee keer es se heure det Remunj zich kandidaat sjtelt.
Veer van Kuukskesmaondaag weite waal waat organizere is mit os jaore lange ervaring. Dao kint dus weinig toet nieks fout gaon. Veer höbbe dan ouch ein sjtrak sjema en ein rolverdeiling.

- Sjonnie is bezig mit de subsidie en zorg veur de teikeninge veur dit ivvenement.

- Rob geit de vergunning aanvraoge bie Frans Dirkse.

- Marc en Ton sjrieve ‘t bidbook om de sjpele nao Remunj en gein anger sjtad es Remunj te kriege.

Veer haje uch oppe heugte!

20/11/2025

Beste miense,
Veer van Kuukskesmaondaag ware aeve drök, drök en nog ins drök en drökker es drök! Daorom koste veer aeve nieks op Feesbook sjrieve…maar veer höbbe nuujts!
De aafgeloupe waeke höbbe Rob en ich alle kefee’s aafgezoch nao eine breef dae retour aafzender kwaam vanoet ozze gouverneur maar ‘t enige det veer gevonje höbbe waas die aaj teikening van Sjonnie die d’r ‘t veurig jaor nao de gemeinte Remunj haet gesjtuurd. Die vergunning (veur ein mega tent oppe Roerkade) höbbe veer netuurlik neet gekrege. Robbie en ich höbbe de haop dan ouch allang opgegaove det veer subsidie van de provincie Limburg ontvange veur Kuukskesmaondaag. Allein Sjonnie geluif d’r nog heilig in en dae is mit eine nuje breef oppe fiets ongewaeges nao Mestreech om dem hoogs perseunlik aaf te gaeve. Veer d**ke det veer ein van dees daag ein tillefoontje kriege oet Leeuwarden omdet Sjonnie neet wit wo Mestreech ligk.
Ongertösse höbbe Robbie en ich alvas ein anger plan getrokke om ein van de grootste ivvenemente ter waereld nao Remunj te haole. Wie veer det gaon doon krieg geer binnekort van os de heure.

Haaj Feesbook dus good in de gate en zorg det geer top fit blief de kommende maondje!

05/11/2025

Miense, verkes en anger gesjpuus,

Veer van Kuukskesmaondaag zeen ein bietje gesjrokke. Noe sjrikke veer neet meer zo rap maar Sjonnie belde os vanmorge weer ins oet bed. Hae haaj de gezet van giester oet en gelaeze det die van de Sjtadsgarde gein 11 sjeut op ‘t Munsterplein moge losse om de Vastelaovend te äöpene.
Veer van Kuukskesmaondaag sjrokke daovan want toevallig wolle veer op vastelaovesmaondaag ouch ein groot ivvenement nao Remunj haole wo links en rechs toch aaf en toe gesjaote waert…enne..noe make veer os toch ein bietje ongerös of veer dao waal de vergunning veur rondj kriege.

Wiejer haet Sjonnie de subsidieaanvraog gedaon bie Emiel van Roemer. Hae haet eine breef van 9,5 kentje gesjreve. Neet det geer noe d**k d’r zoväöl haet gesjreve…nae…hae haet d’r 9 teikeninge bie gedaon. Opzich neet erg, altied leuk…maarrrr…dae breef waeg eine halve kilo en hae haet d’r maar eine poszegel van 50 cent opgedaon. Noe is dae breef netuurlik retourafzender. Nieks aan de handj zolt geer d**ke maar Sjonnie wit neet meer in waat veur kroeg det d’r zoot toen d’r dae breef nao ozze Emiel haet opgesjtuurd. De kommende daag motte veer dus alle kroege aaf om te kieke wo dae breef ligk. Grote kans det veer os dees daag nog urges taege komme.

De Sjtadsvastelaovesdichter haet gesjreve

25/10/2025

Leef luuj,

Veer zeen vanmorge door Sjonnie oet bed gebeld. Zo es geer allemaol waal weit ligk d’r ein bietje achter. Zo ouch vanmorge want hae waas os ein sjtök oet de gezet van veurige waek veur aan ‘t laeze.

Hae haet get gelaeze euver subsidies en loos os ‘t volgende veur:
- Deskundigheidsbevordering (tot €10.000)
- Artist-in-residence en experimenteerruimte (tot €20.000)
- Grote producties of evenementen vanaf 7.500 bezoekers (tot €120.000)
- Kleinschalige projecten of festivals vanaf 500 bezoekers (tot €20.000)

Hae is d’r van euvertuug det veer in aanmerking komme veur drie van de veer subsidies vanoet de Provincie. Hae meint ouch det veer die subsidies biejein kinne telle. Kommende maondaag geit Sjonnie ozze gouverneur belle om alles te regele. Hae twiefelde allein of veer van Kuukskesmaondaag onger de grote of kleine productie valle maar wit zeker det veer op vastelaovesmaondaag ein experimenteerruimte zeen. Veer höbbe ‘m gezag det veer ‘t neet weite wie väöl zate köp nao Kuukskesmaondaag komme omdet geer dae daag sjteeds op en neer blief wanjele.
Veer probere dit jaor dan ouch dudelik te kriege of det d’r 500 of 7500 luuj bie De Röts sjtaon te buize. Sjonnie d**k 8257 luuj omdet d’r ‘t veurig jaor det aantal aan polsbendjes haet oetgedeild.

Haaj Feesbook good in de gate want veer komme binnekort mit eine datum veur de insjriefdaag veur Kuukskesmaondaag zodet veer presies weite waem det d’r op vastelaovesmaondaag is, wie väöl des se drinks, waat des se drinks, wie döks des se op en neer löps, wo des se haer geis, of des se gepies, gesj..poep of gesjpiejt höbs, wie väöl en woorom des se det höbs gedaon.

De Sjtadsvastelaovesdichter haet veur uch gesjreve.

Roermond – De Provincie Limburg heeft een nieuwe subsidieregeling gelanceerd waarmee cultuur, evenementen en creatieve makers in Noord- en Midden-Limburg extra steun kunnen krijgen. De regeling maakt...

02/10/2025

Geer kint nog 136 nachte sjlaope…maar veer zeen alweer drök bezig mit Kuukskesmaondaag 2026!

Woorom noe al?
Omdet de veurige edisies allemaol eine puinhaop ware en det wille veer veural zo haje.

Kinne veer dan nieks?
In dees samesjtelling neet! Det ligk maar aan eine. Allein zeen veer d’r nog sjteeds neet achter waem det det is.

Wiezo geit Kuukskesmaondaag 2026 door?
Waat mot geer angers op Vastelaovesmaondaag! Veer veule os ein bietje veranjtwaordelik veur uch. Zonger Kuukskesmaondaag zeet geer sjtuurloos, futloos en is vastelaovesmaondaag zinloos…
(Mit en door Kuukskesmaondaag ouch trouwens)

Haaj os in de gate want binnekort volg d’r nog meer zeiver!

25/02/2025

Volgende waek om deze tied ligk Bacchus in de Roer en höb geer Kuukskesmaondaag euverlaef. Geine van uch zal zich daovan ouch maar get herinnere…maar gelökkig höb geer uch polsbendje dan nog om en d**k geer…’verrek ich waas giester bie Kuukskesmaondaag’…of neet netuurlik. Geer kint ouch d**ke…’wiezo höb ich ein polsbendje om’. Maar wo det ‘t ouch op oetdreijt…maak d’r eine hele sjone vastelaovend van!!!

Veer haope dao aan biej te kinne drage…maar meistal is ‘t k*t!

19/02/2025

17/02/2025

Zo es veer van Kuukskesmaondaag uch giester höbbe prebere oet te ligke, höbbe veer eine teiken & kleurwedsjtried oetgesjreve. Veer prebere zo uch linkerherses ins in ketak te laote komme mit de rechterhelf. Veer van Kuukskesmaondaag wille op dees wies d’r achter te komme of geer mesjien toch sjlummer zeet dan det veer dachte. Maak d’r get sjoons van en lever uch teikening op Kuukskesmaondaag bie os in!

17/02/2025

‘T waas giester weer K*T!!!

Omdet de teikening Sjonnie is aafgeweze door de Gemeinte Remunj koste veer gein 2000 polsbendjes oetdeile…of ja…Sjonnie haaj det weer ins neet good begrepe en bleef maar nummerkes oetdeile. Zoväöl det d’r 1863 posbendjes moste waere oetgedeild. In euverligk mit eine bekinde politicus oet Remunj höbbe veer giester achter de sjerme (de windjsjerme van kefee de Röts) nog alles rech kinne trekke.

Geer komp dus WAAL binne zonger polsbendje maar mot d’r WAAL ein om höbbe om alles good te laote verloupe!!! Det noeme ze bie de Gemeinte Crowd Management . Sjonnie is veur os oet aan ‘t zeuke waat det beteikend.

Höb geer d’r nog gein omdet geer uch giester höb versjlaope of aafsjpraok bie de tandj-arst had. Gein probleem!!! Geer krieg dan van os op Kuukskesmaondaag esnoch ein polsbendje! Veer höbbe d’r nog maar ein paar euver dus det wilt neet zegke det de polsbendjes die giester op zeen gehaold de voelnisbak in kinne. Die mot geer dus om höbbe!!! Haopelik geit op Kuukskesmaondaag waal alles good, want dit waas….