22/01/2026
រដ្ឋាភិបាលថៃ បង្ហាញការបារម្ភចំពោះខ្សែភាពយន្តខ្មែររឿង«សោកនាដកម្មភ្នំខ្មោច»ដែលថៃយល់ថា ខ្សែភាពយន្តនេះផលិតឡើង ដើម្បីបង្ខូចប្រវត្តិសាស្ត្រ ឬញុះញង់ឱ្យមានការស្អប់ខ្ពើមប្រទេសថៃ
យោងតាមសារព័ត៌មានថៃ Khaosod បានចុះផ្សាយថា រាជរដ្ឋាភិបាលនៃប្រទេសថៃ បានបង្ហាញពីក្តីបារម្ភចំពោះខ្សែភាពយន្តខ្មែរមានចំណងជើង «សោកនាដកម្មភ្នំខ្មោច» ដែលខ្សែភាពយន្តនេះ នឹងបកអាក្រាតប្រទេសថៃ ពីអំពើប្រល័យពូជសាសន៍របស់ថៃលើពលរដ្ឋកម្ពុជា ដែលបានកើតឡើងនៅភ្នំខ្មោចជួរភ្នំដងរែក ក្នុងឆ្នាំ ១៩៧៨-១៩៨០ ដែលថៃយល់ថា ខ្សែភាពយន្តនេះផលិតឡើង ដើម្បីបង្ខូចប្រវត្តិសាស្ត្រ ឬញុះញង់ឱ្យមានការស្អប់ខ្ពើមប្រទេសថៃ។
ពាក់ព័ន្ធនឹងការចុះផ្សាយរបស់សារព័ត៌មានថៃខាងលើនេះ លោក លៀក លីដា ចាងហ្វាងផលិតកម្មអិលឌី បានបង្ហោះសារជាសំណេរនៅលើទំព័រហ្វេស ប៊ុករបស់លោកថា «កុំបារម្ភ រឿងខ្ញុំនិយាយតែការពិត ខ្ញុំមានសីលធម៌ជាអ្នកដឹកនាំរឿង។ សូមបងប្អូនខ្មែរយើង keep cool និងធ្វើអ្វីដែលយើងគួធ្វើដើម្បីជាតិយើងនិងសេចក្តីថ្លៃថ្នូរបស់យើង។
