Sajha Party Club

Sajha Party Club Contact information, map and directions, contact form, opening hours, services, ratings, photos, videos and announcements from Sajha Party Club, Dance club & nightclub, Padampur.

रबी लामिछानेको उपस्थितिमा कालिका भेला…………..अब मन र मत बदल्नी बेला आयको छ । सबैले विचार गर्नु होलॉ परिवर्तन आवास्यक हैंन ...
27/09/2022

रबी लामिछानेको उपस्थितिमा कालिका भेला…………..

अब मन र मत बदल्नी बेला आयको छ । सबैले विचार गर्नु होलॉ परिवर्तन आवास्यक हैंन अत्यावश्यक महसूस सबै ले गर्नुभयको भंनि बुझाई छ ।

🎉🎉🎉🎉

29/07/2021

आदरणिय नेता रबिन्द्र मिश्र ज्यूँको विचार ले सामाजिक संजाल अनी देस भर तरंग लेर आयो पुर्ब बिबेकशिलको त जगमा नै भूइचालो गयो देखदाँ तेस्टै लाग्छ छँटपटाहट देखदाँ ।

शुभ दिन

जन्म दिनको धेरै धेरै शुभकामना अध्यक्ष ज्यूँ ।
04/07/2021

जन्म दिनको धेरै धेरै शुभकामना अध्यक्ष ज्यूँ ।

06/06/2021

आउनुस्, रवीन्द्र मिश्रलाई गाली गरौँ।

रवीन्द्र मिश्र ति व्यक्ति हुन्, जसले नेपालमा वैकल्पिक राजनीतिको बलियो शुरुवात गरे। साझा पार्टीको स्थापना गरे, विवेकेशील दललाई समायोजन गरे र वैकल्पिक राजनीतिको केन्द्र स्थापना गरे। भ्रष्टाचारमुक्त समाज बन्नुपर्छ भनेर पैरवी गरे।

दशकौँ देखि कांग्रेस र कम्युनिष्टको विकल्पको कल्पना समेत नगरेको नेपाली समाजलाई विकल्प दिए। युवाहरुलाई आफ्नै जिवनकालमा देशको रुपान्तरण सम्भव छ भनेर सपना दिए, प्रेरणा दिए, नेतृत्व दिए। देशमा पढेलेखेका ईमान्दार व्यक्तिहरुले पनि राजनीति गर्नुपर्छ भनेर अहोरात्र खटिराखेका छन्।

बुबाको विरासत सहित दशकौँको राजनीतिक अनुभव बोकेका प्रकाशमान सिंहलाई रवीन्द्र मिश्रले पार्टी स्थापना गरेको केही महिनामै बिना संगठन, बिना अकुत खर्च, झण्डै झण्डै हराए। प्रकाशमान केवल ८१८ मतले बचे, नत्र उनको राजनीति त्यहिँ समाप्त हुने थियो।

न रवीन्द्र मिश्रले राज्यको एक पैसा भ्रष्टाचार गरेका छन्। न हत्या, हिंसा, र अपराधको राजनीति गरेका हुन्। न उनले अर्वौँ ट्याक्स छलेर सम्पति थुपारेका छन्।

कविता सुनाएर विपन्न वर्गका लागी लाखौँ करोडौँ सहयोग जुटाउने रवीन्द्र मिश्र, किताब लेखेर चेपाङ समुदाय र मुसहर वस्तीलाई लाखौँ सहयोज जुटाउने रवीन्द्र मिश्र यो देशलाई किन चाहियो?

आउनुस्, रवीन्द्र मिश्रलाई ठूलो ठूलो श्वरमा गाली गरौँ।

16/05/2021

बढ्दो कोरोना महामारीलाई लिएर प्रधानमन्त्री केपी शर्मा ओलीलाई विवेकशील साझा पार्टीका अध्यक्ष रवीन्द्र मिश्रको संक्षिप्त भिडियो अपील।

समस्या वा जिज्ञासा जे छ, विवेकशील साझाको कोरोना रेस्पोन्स टिमलाई सम्झनुहोस्। सकेको सहयोग गर्नेछौँ।
01/05/2021

समस्या वा जिज्ञासा जे छ, विवेकशील साझाको कोरोना रेस्पोन्स टिमलाई सम्झनुहोस्।

सकेको सहयोग गर्नेछौँ।

प्रेस विज्ञप्तिसरकारलाई विवेकशील साझाको ६ बुँदे सुझावकोभिड १९ सङ्क्रमणको दोस्रो लहरका कारण देशको स्वास्थ्य प्रणालीले धान...
01/05/2021

प्रेस विज्ञप्ति
सरकारलाई विवेकशील साझाको ६ बुँदे सुझाव

कोभिड १९ सङ्क्रमणको दोस्रो लहरका कारण देशको स्वास्थ्य प्रणालीले धान्न नसक्ने अवस्था आएको र सङ्क्रमित बिरामीलाई अस्पतालमा शय्या उपलब्ध गराउनसमेत नसकिने भनी स्वास्थ्य मन्त्रालयले जारी गरेको विज्ञप्तिप्रति विवेकशील साझा पार्टीको गम्भीर ध्यानाकर्षण भएको छ।

कोरोनाका कारण उत्पन्न जटिल परिस्थितिसँग जुध्न राज्यका तर्फबाट हर सम्भव उपाय लगाएर नागरिकलाई पनि सहयोगका लागि अभिप्रेरित गर्नुपर्नेमा दैनिक साढे पाँच हजार सङ्क्रमण देखिएको स्थितिमै सरकारले यसरी लत्तो छाडिदिनु एकदमै गैह्रजिम्मेवारपूर्ण र गम्भीर आपत्तिको विषय हो।

कोरोना सङ्कट हामीमाझ अहिले अपर्झट आइपरेको हैन। कोरोना महामारीको पहिलो चरण सुरु भएको एक वर्षभन्दा बढीको यो अवधिमा सङ्क्रमण बढ्दा सामना गर्न सक्ने प्रणाली विकासका लागि पर्याप्त तयारीको अवसर थियो।

आजको यो स्थिति आउनुमा क-कसलाई उत्तरदायी बनाउनु पर्ने हो, उपयुक्त समयमा त्यो गरिने नै छ। तर अहिले राज्य र सबै नागरिक एकजुट भएर सङ्कटसँग जुध्नु पर्ने समय भएकाले विवेकशील साझा पार्टी तत्काल निम्न कामहरू अघि बढाउन सरकारलाई आह्वान गर्दछ।

१) काठमाडौँ उपत्यकासहित देशका प्रमुख सहरहरूका निजी अस्पतालहरूमा समेत कोरोना सङ्क्रमितको उपचारको व्यवस्था तथा निजी अस्पतालसँग सम्बद्ध जनशक्ति र स्रोत-साधनको समुचित प्रयोग।

२) सेना र प्रहरीसमेतको सहयोग लिएर कोरोनाबाट प्रभावित सबै क्षेत्रमा अस्थायी उपचार केन्द्रहरूको स्थापना।

३) सेना र प्रहरीकासहित देशभित्र र देश बाहिर रहेका सबै सेवा निवृत्त चिकित्सक र स्वास्थ्यकर्मीहरूलाई बिरामीको उपचार सेवामा स्वयंसेवी भई सहयोग गर्न अपिल।

४) मित्र राष्ट्रहरू खास गरी चीनसँग विपद् व्यवस्थापन विज्ञ टोलीदेखि अक्सिजन, भेन्टिलेटर, पी.पी.ई. (PPE) जस्ता आवश्यक सामग्री सहयोगको अपिल।

५) हाल रोकिएको कोभिड १९ विरुद्धको खोप कार्यक्रम व्यवस्थित बनाएर तत्काल पुनः सञ्चालन।

६) निषेधाज्ञा अवधि लम्ब्याउनुपर्ने अवस्था आइ परे श्रमिक तथा दैनिक ज्याला मजदुरी गर्ने अति विपन्न वर्ग विगतमा जस्तै खानै नपाउने गरी समस्यामा पर्ने हुनाले त्यस्तो स्थिति आउन नदिन अहिलेदेखि नै आवश्यक तयारी।

विवेकशील साझा पार्टी आफ्ना सदस्य तथा शुभेच्छुकहरूलाई कोरोना विरुद्धको सङ्घर्षमा राज्यलाई आवश्यक यथासम्भव सहयोग गर्न पुनः आह्वान गर्दछ।

शरदराज पाठक
प्रवक्ता, विवेकशील साझा पार्टी
१८ वैशाख, २०७८

प्रिय सदस्य तथा शुभेच्छुक,सर्वप्रथम, नयाँ वर्ष ‍२०७७ को हार्दिक मंगलमय शुभकामना अर्पण गर्दछु। ‍हामी सबै – र संसारभरीका म...
13/04/2020

प्रिय सदस्य तथा शुभेच्छुक,

सर्वप्रथम, नयाँ वर्ष ‍२०७७ को हार्दिक मंगलमय शुभकामना अर्पण गर्दछु। ‍हामी सबै – र संसारभरीका मानिसहरू – कोरोना महामारीले ल्याएको मृत्यु, पीडा, त्रास र बन्दाबन्दीबाट मुक्त भएर पुन: उन्मुक्तिका साथ जिउँन सकौँ।

नयाँ वर्ष खुशी, उर्जा, अनुकूलता र सकारात्मकताले पूर्ण होस्। भ्रष्टाचारीहरूमा सदबुद्धी पलाओस्, सुशासन प्रवर्धन होस्!

साथसाथै, २०७७ साल साझा पार्टीका लागि कोषेढुङ्गा बनोस् र जति चिच्याए-कराए पनि नसुध्रिने पुरानो राजनीतिलाई विस्थापित गरेर यो देशको नेतृत्व गर्न ‘इमानदार, सक्षम र दूरदृष्टिपूर्ण’ पार्टी हामी हौँ भन्ने विश्वास स्थापित गर्न सकियोस्।

हामीले २०७६ सालमा सुदूर पश्चीमका नौवटै जिल्लामा भ्रष्टाचार विरोधी अभियान, बालुवाटार लगायत अन्य काण्डहरूविरूद्ध अभियान, पर्सा र धनगढीमा हावाहुरीबाट प्रभावितहरूलाई सहयोग, कोरोनाभाइरस विरूद्ध जनचेतना कार्यक्रम र रक्तदान, विभिन्न स्थानमा अन्तर्कृया र प्रशिक्षणहरू, राष्ट्रिय सभागृहमा साझा युवा संगठनको घोषणा, युवा संगठनकै अगुवाईमा देशका विभिन्न प्रतिश्ठित तथा अन्य व्यक्तित्वहरूको सहभागितामा साझा स्कूल अफ पब्लिक लिडरशिप श्रृंखलाको थालनी, विभिन्न जिल्ला तथा नगरमा संयोजकहरूको घोषणा, धेरै देशहरूमा साझा सद्भाव समूहहरूको निर्माण, देशभरीबाट साझा पार्टीका लगभग ४५० जना नेता तथा अगुवा सदस्यहरू सहभागी साझा राष्ट्रिय भेलाको आयोजना आदि सम्पन्न गरेछौँ।

साझा पार्टीको बागमती प्रदेश सांसद शोभा शाक्यले निरन्तर सुशासन र जनचासोका मुद्दाहरू उठाइरहनुभयो। उहाँले शुरूदेखि उठाउनुभएको एउटा मुद्दा सांसद विकास कोष नीतिगत भ्रष्टाचारको चरम उदाहरण हो र त्यो खारेज गरिनु पर्छ भन्ने थियो, जुन अहिले सत्तारूढ दलकै सांसदहरुले पनि भन्न थालेका छन्।

यी सबैका साथसाथै, संचार माध्यमहरूमा हाम्रो उपस्थिति उत्साहजनक नै रह्यो भने हामी पार्टी निर्माणको प्रारम्भिक चरणमैँ र संगठनात्मकरूपमा सानो भए पनि बेलाबख राष्ट्रिय राजनीतिका महत्वपूर्ण बहसहरूमा अग्रपंतिमा रहिरह्यौँ।

२०७७ सालमा हामी मूलत: साझा राष्ट्रिय भेलामा तय गरिएका पाँच रणनीति र कार्यनीतिमा केन्द्रीत रहने छौँ। कोरोना संकटले ल्याएको अनपेक्षित परिस्थितिका कारण हाम्रा उद्देश्यहरूको कार्यानवयनमा केही ढिलाई हुने देखिन्छ तर कोरोना संकटबाट पार पाउने वित्तिकै हामी ती उद्देश्यहरूमा गम्भिरतापूर्वक केन्द्रीत हुनेछौँ, जुन निम्न अनुसार छन्:

१। सङ्गठन विस्तार तथा सुदृढीकरण, २। नीति तथा स्कूलिङ, ३। अभियान, ४। ध्रुवीकरण, र, ५। स्रोत व्यवस्थापन।

माथिका अधिकांश कार्यहरू प्रभावकारीरूपमा अघि बढाउन स्रोत व्यवस्थापन हाम्रो प्रमुख चुनौती हुने देखिएको छ। तपाईं र अन्य धेरै शुभेच्छुकहरूको सहयोगका कारण हामी पार्टीलाई यहाँसम्म ल्याइपुर्याउने सफल भएका हौँ। २०७६ सालका सम्पूर्ण गतिविधि तपाईंकै नैतिक तथा आर्थिक सहभागिता र समर्थनको परिणाम हो। यो कठिन र चुनौतिपूर्ण यात्रा हामी सबैको प्रतिवद्धता र दृढताबिना संभव हुने थिएन।

टाकुरामा पुग्न अझ धेरै कठिनाई र चुनौतीको सामना गर्नु छ। सबै नेपाली सुख, शान्ति र संवृद्धिका साथ नेपालमैँ बस्न योग्य बनाउन बाँकी छ। तसर्थ, हाम्रा उद्देश्यहरू हासिल गर्न यहाँको सहभागिता र सहयोग निरन्तर जारी रहने अपेक्षा गर्दछु।

फेरी एक पटक नयाँ वर्षको शुभकामना अर्पण गर्दछु। नेपालको जय होस्!

रवीन्द्र मिश्र
संयोजक, साझा पार्टी
मिति: ०१ बैशाख २०७७

साझा पार्टीकाे प्रधानमन्त्री केपी शर्मा ओलीलाई सुझाव।साझा पार्टीले कोरोना संक्रमणले निम्त्याएका र निम्ताउन सक्ने विभिन्न...
30/03/2020

साझा पार्टीकाे प्रधानमन्त्री केपी शर्मा ओलीलाई सुझाव।

साझा पार्टीले कोरोना संक्रमणले निम्त्याएका र निम्ताउन सक्ने विभिन्न संकटसँग जुध्न उच्चस्तरीय सर्वदलीय राजनीतिक संयन्त्र र उच्चस्तरीय विज्ञ समितिको गठन गर्न प्रधानमन्त्री केपी शर्मा ओलीलाई सुझाव दिएको छ।

प्रधानमन्त्रीको नाममा लेखिएको सुझावपत्र आज पार्टीका संयोजक रवीन्द्र मिश्र तथा प्रवक्ता डा सूर्यराज आचार्यले उपप्रधानमत्री ईश्वर पोखरेललाई हष्तान्तरण गरेका छन्।

सुझावपत्रको पूर्ण पाठ यस प्रकार छ:

सम्माननीय प्रधानमन्त्रीज्यू,

प्रथमत: यहाँको सुस्वास्थ्यको लागि कामना गर्दछु। साथै, स्वास्थ्य प्रतिकूलताका अलावा जुन आत्मविश्वास र दृढताका साथ यो कठिन घढीमा देशलाई नेतृत्व प्रदान गर्ने प्रयास गरिरहनुभएको छ, त्यसका लागि शुभकामना अर्पण गर्दछु।

यो देशले हालैका वर्षहरूमा दुईवटा कठिन समयहरूको दृढताका साथ सामना गर्यो। पहिलो, २०७२ सालको भूकम्प थियो भने, दोस्रो त्यसको लगत्तै नेपालले व्योहेरेको नाकावन्दी थियो। नाकावन्दीको सामाना हामीले तपाईंकै नेतृत्वमा सफलतापूर्वक गरेका थियौँ।

ती दुबै संकटका चुनौती आँकलन गर्न सकिने प्रकृतीका थिए। तर कोरोना भाइरस (कोभिड-१९) को विज्ञान अझै स्पष्ट भएको छैन र महामारीको सम्भाव्य परिणाम आँकलन गर्न नसकिने प्रकृतिको छ। कोरोना महाव्याधीबाट विश्व नै आक्रन्त बनिरहेको छ। स्रोत-साधनमा कमजोर रहेको नेपालका लागि यसले अकल्पनीयरूपमा विकराल स्थिति सृजना गर्न सक्छ।

यो अवस्थामा तात्कालिक राहतका लागि सरकारले के, कस्ता कदम चाल्न जरूरी छ भन्नेबारे सरकार स्वयं जानकार छ भने आम सञ्चारका माध्यम र सामाजिक सञ्जालमा सर्वसाधारणदेखि विभिन्न क्षेत्रका विज्ञहरूले पर्याप्त राय दिइसकेका छन्। त्यसैले म पुन: तिनै विषयमा प्रवेश गर्न चाहन्न। म साझा पार्टीको तर्फबाट सिर्फ दुईवटा विषयबारे यहाँको ध्यानाकर्षण गर्न चाहन्छु।

१। उच्चस्तरीय सर्वदलीय राजनीतिक संयन्त्रको निर्माण: व्यक्तिगत सुरक्षा सामाग्री (पीपीइ) को अभवमा एम्बुलेन्सले विरामी बोक्न नमानेको, डाक्टरहरूले राजीनामा दिन थालेको, ठूला अस्पतालहरूसँग आवश्यक उपकरण र स्वास्थ्यकर्मी पर्याप्त नभएको, संभावित संक्रमितहरूलाई परिक्षणका लागि पहिचान गर्न नसकिएको, आम जनजीवन अस्तव्यस्त हुन थालेको, श्रमिकहरू भोकै पर्न अवस्था आउन लागेको, आपूर्ती अवरूद्ध भएकोदेखि अर्थतन्त्रमा तत्काल र दिर्घकालका लागि संकट उत्पन्न हुने लगायतका अवस्था आएको देखिएको छ। माननीय उपप्रधानमन्त्री ईश्वर पोखरेलको संयोजकत्वमा रहेको ‘कोरोना रोग संक्रमण, रोकथाम तथा नियन्त्रण उच्चस्तरीय समन्वय समिति’ले सक्दो प्रयास गरिरहेको छ।

तर संकटको बहूआयामिक स्वरूप र वर्तमान अवस्थाको गम्भिरतालाई हेर्दा सरकारको नियमित र घनिभूत क्रियाशिलताका साथै राष्ट्रिय सहमति प्रतिबिम्बित हुने राजनीतिक तहको एकबद्धतापूर्ण निर्णय जरूरी पर्दछ। तसर्थ, संभव छ भने तपाईंकै नेतृत्वमा, त्यो संभव नभए, उपप्रधानमन्त्री ईश्वर पोखरलेज्यूको नेतृत्वमा प्रमुख दलका नेताहरू समेत रहने गरी उच्चस्तरीय राजनीतिक संयन्त्र निर्माण गर्नु अत्यावश्यक देखिएको छ। यो संयन्त्रले राजनीतिक तहमा आएका विभिन्न विचार, राय र सुझावलाई समीक्षा र संश्लेषण गर्ने माध्यमको रुपमा पनि काम गर्ने छ। संकटको यो घडिमा आम जनमानसको राज्य र राजनीतिप्रतिको विश्वसनीयता कायम राख्न समेत यस्तो संयन्त्रले सघाउ पुर्याउने छ।

२। उच्चस्तरिय विज्ञ समितिको निर्माण: बर्तमान संकटको विविध क्षेत्रमा पर्ने तात्कालिक र दिर्घकालीक असरहरूसँग जुध्नका लागि सरकारलाई निरन्तररूपमा आवस्यक विश्लेषण, सुझाव र समीक्षाका लागि एउटा उच्चस्तरीय विज्ञ समिति निर्माण गर्न उपयुक्त हुनेछ। उक्त समितिमा प्रशासन र स्वास्थसेवाका सम्वन्धित अधिकारीहरू लगायत देशभित्र र बाहिर रहेका नेपाली, र आवश्यक परेको खण्डमा, विदेशी विज्ञहरूलाई पनि सामेल गर्न सकिन्छ।

सम्माननीय प्रधानमन्त्रीज्यू,

हालकै संरचना भित्रको घनिभूत प्रयासको निरन्तरताले मात्रै यो संकटको सामना गर्न कठीन छ। यो अभूतपूर्व मानवीय संकटसँग जुध्न सरकारले आफ्नो कार्यशैलीमा अभूतपूर्व संरचनागत फेरबदल गर्नु पर्छ भन्ने हाम्रो धारणा हो। साझा पार्टी सरकारको कुनै पनि त्यस्तो प्रयासमा साहायकशिद्ध हुन सक्छ भने खुशीसाथ सहयोगको हात बढाउन तत्पर छ। साथसाथै, आम नागरिकले यस्तो अवस्थामा सरकारबाट अत्यन्तै जिम्मेवार, जवाफदेहीपूर्ण र परिणामूखि कार्यशैलीको अपेक्षा गर्नु स्वभाविक हुनेछ।

ससम्मान

रवीन्द्र मिश्र

संयोजक, साझा पार्टी

मिति: १५ चैत २०७६

सेल्फ क्वारेन्टाइन के हो ?को बस्ने ?१. वैदेशिक यात्रा गरेर नेपाल फर्किएका व्यक्ति।२. कोरोना भाइरसबाट संक्रमित व्यक्तिको ...
15/03/2020

सेल्फ क्वारेन्टाइन के हो ?

को बस्ने ?
१. वैदेशिक यात्रा गरेर नेपाल फर्किएका व्यक्ति।
२. कोरोना भाइरसबाट संक्रमित व्यक्तिको नजिक भएकाले पछिल्लो सम्पर्क भएको मितिले १४ दिन ।
३. कोरोना भाइरसको संक्रमितसँग नजिकिएको शङ्का लागेका व्यक्ति ।
४. चीन, इरान, दक्षिण कोरिया, इटाली, युएई, जापान जस्ता अत्यन्तै जोखिमयुक्त देश हुँदै नेपाल आएका व्यक्ति ।
५. आशङ्का गरिएका व्यक्तिलाई संक्रमणका लक्षण देखा परे प्रत्यक्ष सम्पर्कमा आएका र बिरामीको हेरचाह गर्ने पनि क्वारेन्टाइनमा बस्नुपर्छ । तर, परिवारका कोही सदस्य क्वारेन्टाइनमा बस्दा सबै जना बस्नु पर्दैन ।

कसरी बस्ने ?
१. सकेसम्म सबै सुविधा भएको एउटै कोठामा बस्नुपर्छ । घरका सम्पूर्ण कोठाको उपयोग गरिए संक्रमण देखिएको खण्डमा पूरै घर सफा गर्नुपर्छ ।
२. सिङ्गो घरमा एक्लै क्वारेन्टाइनमा बसे बाहिरी दुनियाँसँग निरन्तर फोन र मेसेज सम्पर्कमा रहनुपर्छ । यदि दीर्घकालीन रोगी भए अस्पताल वा चिकित्सकसँग सोझे फोन सम्पर्कमा रहनुपर्छ ।
३. संक्रमणको आशङ्कामा रगतको जाँच गरेर रिपोर्ट आउँदासम्मलाई घर पठाइएको भए निश्चित कोठामा मास्क लगाएर सकेसम्म परिवारका सदस्यबाट टाढा बस्ने । अलग बाथरुम र शौचालय प्रयोग गर्ने ।
४. घरपालुवा पशुपक्षीबाट टाढा बस्ने (हङकङमा मानिसबाट कुकुरलाई कोभिड—१९ सरेको थियो ।)
५. परिवारका सदस्यभन्दा बाहेकलाई घरमा आउन नदिने ।
६. स्वास्थ्य जाँचका लागि नजिकको अस्पतालमा फोन गरेर सम्पूर्ण जानकारी गराएर मात्र जाने, जसकारण अस्पतालका स्वास्थ्यकर्मीलाई सुरक्षित ढङ्गले उपचार गर्ने तयारीका लागि समय मिल्छ ।
७. लक्षण देखिनासाथ मास्क लगाउने, हाच्छिउँ गर्दा, खोक्दा आफ्नो मुख नाकलाई कपडा वा पेपरले छोप्ने । छोप्दा प्रयोग भएका वस्तुलाई बन्द फोहोर फ्याँक्ने भाँडोमा फाल्ने र २० सेकेन्ड लगाएर मिचेर हात धुने वा ह्यान्ड स्यानिटाइजरले सफा गर्ने ।
८. आफ्ना व्यक्तिगत लत्ताकपडा, भाँडाकुँडा, साबुन आदि अरूलाई चलाउन नदिने । आफूले छोएका घरको ताल्चा, चाबी, बरण्डाको डण्डी, टिभीको रिमोट, मोबाइल, कम्प्युटरको माउस, किबोर्ड आदि राम्रोसँग सफा गर्ने ।
९. जथाभावी नथुक्ने, सिंगान नफाल्ने, फालेको पनि आफैंले सफा गर्ने ।
१०. धेरै जना एकै ठाउँमा क्वारेन्टाइनमा बस्नु परे खुला, धेरै कोठा भएको, हावा आवतजावत हुने ठाउँको प्रयोग गर्ने ।
११ लक्षणहरूबाट विचलित नहुने, लक्षण बढेको खण्डमा तुरुन्त चिकित्सकको सल्लाह लिने ।
१२. क्वारेन्टाइनमा रहँदाको अवस्थामा नजिकैको प्रहरी, अस्पताल, रेडक्रस वा अन्य सामाजिक संघसंस्थाको फोन नम्बर सुरक्षित राख्ने ।

आत्मबल बढाउने तरिका
१. परिवारका सदस्यसँग निरन्तर कुराकानी गर्ने । समाचारका लागि आधिकारिक सञ्चारमाध्यम पछ्याउने । सामाजिक सञ्जालमा आउने कतिपय भ्रामक समाचार नपढ्ने ।
२. परिवारका कम उमेरका सदस्यलाई सम्भावित संक्रमण विरुद्ध हौसला प्रदान गर्ने । दैनिक क्रियाकलाप सामान्य रूपमा गर्न प्रोत्साहित गर्ने ।
३. साथीभाइ, नातागोतासँग निरन्तर फोन तथा मेसेजमा कुरा गरिरहने ।
४. योग, ध्यान, कसरत दैनिक गर्ने । घरको प्यासेज, छत वा आँगनमा केही समय हिंड्ने र स्वच्छ हावा लिने ।
५. घरमै बसेर अनलाइनबाट गर्न मिल्ने कार्यालयको काम गर्ने ।
६. क्वारेन्टाइनको समयलाई सकेसम्म सदुपयोग गर्ने । जस्तै, पुस्तक पढ्ने, चित्र कोर्ने, वाद्यवादन आदि सिक्ने ।
सेल्फ क्वारेन्टाइनको १४ दिनसम्म कुनै लक्षण नदेखिए पुरानो दैनिकीमा फर्कन सकिन्छ । यदि त्यसका लागि ‘मेडिकल सर्टिफिकेट’ चाहिए अस्पताल वा काठमाडौंस्थित शुक्रराज ट्रपिकल अस्पतालमा सम्पर्क गर्नुपर्छ ।

सेल्फ क्वारेन्टाइनमा रहेको १४ दिनभित्र ज्वरो आए, सास फेर्न अप्ठ्यारो भए, खोकी वा अन्य श्वासप्रश्वास सम्बन्धी समस्या आए स्वास्थ्य संस्था जानुपर्छ । अस्पताल जाँदा अनिवार्य मास्क लगाउनुपर्छ । मास्क नभए नाक–मुख रुमालले छोप्नुपर्छ ।

श्रोत: हाम्रो पात्रों को न्यूज़ बाट (हिमाल ख़बर.कम)

(डॉक्टर रामकृष्ण आचार्यको लेख राम्रो अनी समयसानदर्भिक भयर शेयर गरे)

Address

Padampur
341306

Telephone

+91 98410 01816

Website

Alerts

Be the first to know and let us send you an email when Sajha Party Club posts news and promotions. Your email address will not be used for any other purpose, and you can unsubscribe at any time.

Shortcuts

Share

Category