Cineclube de Compostela

Llamar Cómo llegar Página web Contactar con la empresa

Asociación que pon películas e cousas polo estilo, normalmente en Santiago de Compostela.

13/10/2026

Mañá mércores continuamos o noso ciclo EN BUSCA DO VAL INQUEDANTE e facémolo cunha das obras máis recentes de Jan Švankmajer, titulada SOBREVIVIR Á SÚA VIDA.

Evzen, un home casado, soña unha noite que liga cunha moza chamada Eva. Trátase dun soño recorrente que chega a obsesionalo, así que acaba visitando un psiquiatra, pero o problema agrávase en lugar de resolverse.

Neste filme, o lendario cineasta surrealista checo emprega unha mestura de animación cutout partindo de fotografías e segmentos de acción real, tendo como resultado unha achega ao movemento que pode aproximarnos ao uncanny valley que andamos a procurar.

14 de outubro ás 21:30 na Gentalha Do Pichel

06/10/2026

Esta semana comezamos o ciclo EN BUSCA DO VAL INQUEDANTE, no que seleccionamos unha serie de filmes para poñer o foco sobre o concepto do “Uncanny Valley”.

Deste xeito, mañá mércores proxectaremos EN/CARA, dirixida por John Woo. Nela, un axente especial do FBI, interpretado por John Travolta, sométese a unha cirurxía de transplante facial para asumir a identidade dun perigoso terrorista, interpretado por Nicolas Cage, e infiltrarse na súa banda co obxectivo de atopar unha arma biolóxica agochada en Os Ánxeles. Pero o criminal esperta do coma antes do previsto e busca vinganza.

Considerada un clásico do cinema de acción dos 90, a película destaca pola actuación dos seus protagonistas, que teñen que interpretarse mutuamente asumindo cada un o personaxe do outro e reproducindo os seus xestos, a súa voz e a súa forma de expresarse, o que dá pé a unha sensación moi "uncanny".

Vémonos este mércores ás 21:30 h na Gentalha Do Pichel!

05/10/2026

🗺️ OUTUBRO 2026: EN BUSCA DO VAL INQUEDANTE 🗺️

Este mes, desde o Cineclube propoñemos unha expedición na procura de filmes que nos acheguen ao val inquedante (ou, en inglés, o "uncanny valley"). Este concepto refírese ao desacougo que nos provocan aquelas imaxes e obxectos que son case humanas sen chegar a selo de todo. En lugar de empatizar con elas pola nosa identificación, estas figuras (saian da robótica, a intelixencia artificial, a animación, a cirurxía estética) inquiétannos, preocúpannos. E, tal vez, fascínannos.

Este mércores abrimos o ciclo con EN/CARA, un clásico do cinema de acción dos anos 90 no que nos enfrontamos á estrañeza do xogo interpretativo entre Nicolas Cage e John Travolta, criminal e policía que intercambian rostros.

A semana seguinte seguimos explorando a idea desde unha figura do surrealismo como Jan Švankmajer, que en SOBREVIVIR Á SÚA VIDA conta a historia dun home casado que vive unha dobre vida nos seus soños. Faino usando unha mestura de animación cutout e segmentos de acción real.

O mércores 21 veremos unha selección de pezas curtas titulada ▛▟ ██9% hum9 9 % ▛▚▞▜ ▞▚ ⫣m͞

⫣9͞⊫▞▚ ▛▟Ⓗ̙⌏⌌ ⶴ፱ጮልክዐ ⫣h͞ A peza central da mesma, por duración, é COELLOS de David Lynch, acompañada de A MULLER QUE SE MAQUILLA de Patrick Bokanowski, O VERTEDOIRO de Alison MacLean e POSIBLEMENTE EN MICHIGAN, de Cecilia Condit.

Pechará o mes unha selección de pezas tiradas da rede titulada QUE INQUEDANTE ERA O MEU VAL! (de internet como escolma de memorias dixitais).

Cartaz da nosa socia Edí Oca

Grazas aos nosos socios protectores:
Unitaria | NUMAX | Café Bar El Muelle | Café Bar O Trece | A Medusa Pub | jatafarta | Histeria Teatro | Libraría Couceiro | Libraría de Mulleres Lila de Lilith | Flamingocompostela

29/09/2026

MÚSICA PARA CANS, dirixida e producida por Bill Morrison, consiste nun concerto exclusivo para audiencia canina realizado por Laurie Anderson no Palacio da Ópera de Sydney. A artista de Chicago serviuse de frecuencias e sons deseñados para captar a atención dos cans.

CORAZÓN DE CAN é un ensaio escrito e musicado pola propia Laurie Anderson. Xira arredor da relación que tiña coa súa cadela Lolabelle, falecida en 2011. Consiste nun fluxo constante de recordos e diarios en vídeo, combinados co periplo imaxinado da cadela polo Bardo. Á imaxinaria visión do alén do budismo tibetano súmanselle reflexións sobre o amor, a memoria e a perda. Tamén aborda os mecanismos de control social que xurdiron tras o 11 de Setembro de 2001.

O mércores 30 de setembro ás 21:30 na Gentalha Do Pichel

21/09/2026

Dentro do ciclo GATOCÁN, GATOCÁN, este mércores acolleremos no Cineclube a visita de Alberte Pagán para presentarnos LIMITES. Durante o confinamento de 2021, realizamos unha serie de proxeccións e coloquios desde a casa, entre os que puidemos ver a primeira parte desta obra, definida polo seu director como "unha ollada antiespecista ao mundo animal non humano". Veremos agora a versión completa nunha nova visita dun dos cineastas e investigadores clave do cinema galego, particularmente no ámbito do experimental: nesta serie de retratos (que podería relacionarse co traballo de Andy Warhol nos screen tests) o mundo animal devolve a mirada, con cada ser vivo individualizado a través dos limites do encadre e a duración.

Mércores ás 21:30 na Gentalha Do Pichel

15/09/2026

A película de animación OS CANS DA PRAGA non só denuncia da crueldade cos animais ou cuestiona a nosa relación coa natureza. Tamén retrata os animais de maneira realista no plano físico mentres que equipara os seus pensamentos e emocións aos nosos.

Rowf e Snitter escapan dun centro de investigación científica situado no Distrito dos Lagos, en Inglaterra. No interior deste lugar foran sometidos polos Batas Brancas a tortuosos exames que levaron os seus corpos e mentes ao límite. Trala súa fuga son perseguidos polas autoridades, e na súa peripecia terán que interactuar con máis humanos, polo xeral seres moralmente cuestionables, ao mesmo tempo que tratan de comprender un mundo hostil.

Este mércores 16 ás 21:30 na Gentalha Do Pichel

09/09/2026

🐈 Hoxe, mércores 9, comezamos o curso no Cineclube con UN GATO NEGRO NOS ARBUSTOS, clásico do cinema de terror xaponés dirixido por Kaneto Shindō. Como é habitual, será ás 21:30 na

Nun tempo de guerras civís constantes no Xapón feudal, Yone e a súa nora Shige, que viven nunha casiña nun bosque de bambú, son agredidas, violadas e asasinadas por unha banda de samurais sen lei, que prenden lume tamén a casa. Sobre os cascallos fumegantes da casa aparecerá un gato nego, que comeza a lamber os corpos. É o primeiro sinal de que os espíritus das dúas mulleres non descansarán até atopar vinganza.

Nesta adaptación moi libre dun conto popular, o cineasta arma un filme de técnicas cinematográficas atrevidas que o achegan á vangarda, cunha fotografía moi fluída, efectos especiais para simular voos, xustaposición de planos para transmitir o sobrenatural... Elementos que fan dela un dos títulos máis eclécticos de Shindō, coñecido por obras como 'A bruxa diaño'.

08/09/2026

SETEMBRO 2026: GATOCÁN, GATOCÁN

Despois do verán, retomamos a programación no Cineclube de Compostela cun ciclo centrado nos que son quizais os animais domésticos por excelencia: gatos e cans. Así, seguindo o título (e a canción) da serie Gatocán, alternaremos entre uns e outros.

A primeira semana veremos un clásico do cinema de terror xaponés: KURONEKO, de Kaneto Shindo, adaptación dun conto popular de carácter sobrenatural con presenza clave dun gato negro.

Pasaremos aos cans con OS CANS DA PESTE, de Martin Rosen. Neste drama de animación para adultos seguimos a dous cans, Rowf e Snitter, que escapan dun laboratorio de investigación en Gran Bretaña.

O 21 de setembro retomaremos unha sesión que Alberte Pagán nos achegou durante o confinamento vendo a versión final de LIMITES: "umha olhada anti-especista ao mundo animal nom humano", na que os gatos devolven a mirada.

Por último, pecharemos cunha dobre sesión canina: MÚSICA PARA CANS, vídeo de Bill Morrison para a obra de Laurie Anderson, e a película desta coñecida música e artista multidisciplinar, CORAZÓN DE CAN, que se centra nos recordos da mesma da súa falecida cadela, pianista e pintora Lolabelle.

Cartaz da nosa socia Edí Oca

Grazas aos nosos socios protectores:
Unitaria | NUMAX | Café Bar El Muelle | Café Bar O Trece | A Medusa Pub | jatafarta | Histeria Teatro | Libraría Couceiro | Libraría de Mulleres Lila de Lilith | Flamingocompostela

29/05/2026

Ademais de ter concertos, na nosa festa de 25 aniversario teremos actividades que esperamos que vos motiven a vir celebrar con nós.

A nosa proxección de aniversario titúlase ANIMANIVERSARIO. Compilamos unha serie de curtametraxes animadas (en todos os sentidos) que conteñen cumpreanos para inspirarnos polas celebracións de xente senlleira como Pingu ou Mickey Mousa. Para todas as idades, probablemente.

Tal vez houbo un tempo no que era posible separar a cinefilia do karaoke, pero xa non nos lembramos del. No IV CONCURSO DE KARAOKE CINÉFILO, o Cineclube ofrécevos de novo a posibilidade de cantar unha selección de cancións aparecidas en películas de todos os tipos, e de facelo competindo polo premio máis honroso e emocionante: unha carta branca para programar unha sesión no propio Cineclube. O xurado que decidirá quen gaña estará este ano composto por Beta Aguilar (gañadore do III Karaoke Cinéfilo), o músico Andrés Real e o historiador e histórico cineclubista Arturo Real. Podes consultar o libreto no noso blog!

Ademais, neste aniversario faremos unha participación colaborativa no PROXECTO REMOLQUE, unha iniciativa do cineasta e proxeccionista Cris Lores na que manipularemos colectivamente un trailer en 35 milímetros.

Haberá, ademais, PIRATAS. Recomendámosvos vestirvos como tal na medida do posible.

28/05/2026

FESTA DO 25º ANIVERSARIO DO CINECLUBE DE COMPOSTELA

Ao longo do mes xa vistes que estivemos cunha programación especial co motivo de que cumprimos un cuarto de século. Neste tempo proxectamos arredor de 2000 pezas audiovisuais (podedes consultar cales na nosa lista de Letterboxd), publicamos libros e revistas, fixemos radio e tamén cine, colaboramos con moitas asociacións e festivais, traducimos unha chea de textos e subtítulos (que podedes consultar no noso blog) e acollemos a participación e a axuda de moita moita xente.

Esta festa, igual que as anteriores pero máis se cadra, é o peche a este programa de celebración, así que agardamos vervos na (se vos é posible, con outfit de pirata) para ver a EMILIO JOSÉ, COLUMNA VEGANA, MINISTRA, OS PIRATAS, botar un ollo a unha fantástica selección de curtas animadas de temática cumpreanos e, por suposto, participar no IV karaoke cinéfilo.

Mañá contámosvos máis sobre as actividades.

Dirección

Rúa Santa Clara, 21
Santiago De Compostela
15704

Teléfono

+34981572426

Página web

http://cineclubedecompostela.wordpress.com/

Notificaciones

Sea el primero en enterarse: le enviaremos un correo electrónico cuando Cineclube de Compostela publique novedades y promociones. Su dirección de correo electrónico no se utilizará para ningún otro fin y puede darse de baja en cualquier momento.