Cultura A Pobra do Caramiñal

02/09/2026

🎨 Teresa González e Toña Somoza presentan «Universos Cromáticos», unha exposición de pintura que poderá visitarse durante o mes de setembro na Casa da Cultura Raquel Fernández Soler.

📅 A inauguración terá lugar este venres, 4 de setembro, ás 20.30 horas, coa participación da concelleira de Cultura, Patricia Lojo. Manuel Teira será o encargado de presentar o acto, que contará tamén coa colaboración do grupo de música tradicional Xiada.

🖼️ A proposta reúne o traballo de dúas artistas con linguaxes propias e un percorrido marcado pola dedicación e a paixón pola arte.

Unha nova proposta cultural para achegarse á creación artística na Pobra.

01/09/2026

25/08/2026

🎙️ ESCOLA DE MÚSICA DA POBRA | CURSO 2026/2027 🎶

📋 PRIMEIRO PRAZO DE MATRÍCULA | RESERVA DE PRAZA

A Escola de Música da Pobra abre os días 25 e 27 de agosto, ás 20.00 horas, o primeiro prazo para reservar praza no curso 2026/2027.

📍 Casa da Cultura Raquel F. Soler

A reserva permite:
🔸 Garantir a praza.
🔸 Ter preferencia na escolla de horarios.
🔸 Escoller os horarios por teléfono, sen colas nin esperas.

👁️‍🗨️ IMPORTANTE: os horarios adxudicaranse por rigorosa orde de matrícula unha vez publicados.

📞 Información e contacto – Organistrum
636 342 485
616 901 276
📧 [email protected]

📲 AC ESMU A POBRA
653 296 378
📧 [email protected]

18/08/2026

🎶 Música, xogos e moito ritmo con María Faltri

Este mércores temos unha nova cita coa cultura na Pobra. María Faltri presenta Picadiscos, unha sesión infantil que transforma a tarde nunha festa participativa para bailar, xogar e pasalo ben en familia.

Música galega de onte e de hoxe, xogos rítmicos, instrumentos, disfraces e dinámicas colectivas darán forma a unha proposta na que pequenas, pequenos e maiores compartirán o protagonismo.

📅 Mércores 19 de agosto
🕣 20.30 h
📍 Cantón da Leña

Picadiscos forma parte do programa Rede Cultural da Deputación da Coruña.

10/08/2026

🎭 Charlatán Rodríguez chega á Pobra con remedios para todos os males

Este xoves 13 de agosto, ás 20.30 h, Rendos Pequeno presenta Charlatán Rodríguez no Cantón da Leña.

Coa lingua afiada, os instrumentos afinados e un posto de venda ateigado de remedios, o protagonista chega disposto a ofrecer menciñas que o público non necesita a prezos que non pode pagar.

Retranca, melodías inventadas, pequenas grandes ilusións, laretadas baleiras e contos de impostor forman parte do catálogo deste charlatán, que presume da sabedoría adquirida tras percorrer todos os camiños e, sobre todo, de saber sempre o que a xente quere escoitar.

📅 Xoves 13 de agosto
🕣 20.30 h
📍 Cantón da Leña