Club de Lectura Entre Liñas

20/09/2026

Comezamos temporada!

Foron moitas as lecturas das que gozamos neste verán recén rematado e estamos desexando poñelas en común. Falar, rir, enriquecernos do resto de lectoras e lectores…crear intres de felicidade arredor das letras e das liñas.

Para comezar esta nova temporada decidimos ler As tolas que non o eran e A noite das cebolas. Sen dúbida, dúas lecturas que nos darán moito que falar: as inxustizas, o patriarcado, a morte, a loucura, a enfermidade, a soidade, o abandono…un sinfín de angustias sociais que lles afectaron e afectan, sobre todo, ás mulleres de onte e de hoxe.

Se che gusta ler, g***r da conversa, rir, empatizar, aprender…e non formas parte do noso club podes achegarte cando che apeteza. Terás a nosa mellor acollida.

Vémonos o sábado!

02/07/2026

Este sábado achegarémonos á publicación de Alana, La mala costumbre.
Trátase dunha novela cruda e feroz narrada en primeira persoa que percorre a vida dunha adolescente atrapada nun corpo que non sabe xestionar. Dende a infancia nunha familia de clase obreira viaxa acompañada de divas pop, yonquis, heroes...e así móstranos a cidade de Madrid nos anos 80 e 90.

O resentimento e a raiba contra o sistema son válidos para sobrevivir nunha sociedade que non acepta os que son diferentes.

Sen dúbida, un libro que merece unha reflexiva conversa para empatizar coas persoas que se senten atrapadas nun corpo co que non se identifican e precisan a nosa axuda para alcanzar a felicidade e benestar.

Se che apetece aprender e as agradables conversas podes achegarte. Non é indispensable ter a lectura lida.

Ata o sábado ás 20.30 horas!

Hábitat cultural fogar de Maeloc

31/05/2026

Onte tivemos o pracer de compartir a nosa reunión mensual con Jordy Cicely que apareceu acompañado da súa parella.
Como noutras ocasións intentabamos compartir co autor o proceso creativo da súa segunda novela (“El verano que volvió Sherezade”) e as nosas reflexións sobre o mencionado libro. Na procura dese obxectivo saíron na conversa temas relacionados coas emocións como a amizade, o amor e o desamor, os amores tóxicos, o abandono, a dor, o reencontro..... pero, sobre todo, falamos da ansiedade, da depresión, da obsesión polo amor (e polo desamor), do apego, do trastorno obsesivo compulsivo (TOC),... En definitiva compartimos reflexións profundas sobre a SAÚDE MENTAL que sofre o protagonista e que lle afecta a un número crecente da poboación galega.

Aínda que o libro está escrito de forma autobiográfica descoñeciamos que, no que lle afecta á saúde mental, é realmente autobiográfico posto que o autor confesa que sofre o trastorno antes mencionado (TOC). Falando deste trastorno, tanto el como a súa parella abríronse en canal para contar o inmenso sufrimento que supón este trastorno para quen o sofre a para a xente do seu contorno, tanto pola dificultade para levar a cabo as accións normais da vida diaria como pola falta de aceptación social destas enfermidades mentais. A saída sempre está en buscar a axuda dos profesionais.

Moito máis que unha conversa foi unha verdadeira lección de vida, unha aprendizaxe brutal.
Inmensamente agradecidos/-as.

El escritor lucense Jordi Cicely protagonizó este sábado un encuentro literario con el Club de Lectura Entre Liñas de A Pastoriza, en el que compartió reflex...

27/05/2026

Será a primeira vez que o autor participe nun encontro destas características con motivo da súa segunda novela

26/05/2026

Esta finde temos visita! 👏👏👏

05/05/2026

A seguinte xuntanza xirará arredor desta lectura e contaremos coa visita do autor Jordi Cicely.

Unha lectura moi interesante que se adentra no trastorno TOC, na nostalxia, na amizade, no desexo...a través dos ollos de Jairo.

Se queres g***r desta obra e da conversa co autor só tes que lembrarte disto:

DATA: 30.05.2026
LUGAR:Hábitat cultural fogar de Maeloc
HORA: 20.30h

Grandes momentos! 🫶🏽

02/05/2026

Unha xuntanza ben produtiva en que analizamos a violencia de xénero transparente. Unha violencia moi difícil de detectar socialmente e que nos fixo reflexionar e virar as nosas miradas hacia as mulleres que a sofren cada día.

Hai moito que traballar a prol do feminismo. Precisamos sororidade e amizade para seguir polo bo camiño e educar na igualdade.

06/04/2026

Achegámonos a esta obra de Lucía que seguro que nos enche de aprendizaxes e pensamentos enriquecedores.
O 25 de abril, data sinalada, xuntarémonos para enriquecer a mente e o espírito.
As xuntanzas sempre son un alivio para a alma! 💜

05/04/2026

Rematamos Perder o norte de María Quiroga.

A vida e a morte camiñan xuntas, a pé, en barco, en bicicleta...mais sempre xuntas.

MEMENTO MORI: Lembra que has de morrer!

Este e outros moitos tópicos latinos compoñen a marabillosa obra de María.

Burita, Xalundes, Galle...DEMOS, fannos bulir as bolboretas na procura da VERA AMICTIA, do FUROR AMORIS, como se dunha DIVINA COMEDIA se tratase!

CARPE DIEM! ❤️