04/02/2025
गायिका एलिना चौहानले आफ्नो पति विष्णु सापकोटाविरुद्ध सम्बन्ध विच्छेदको मुद्दा दायर गरेकी छिन्। गत माघ १८ गते (जनवरी ३१, २०२५) उनले काठमाडौं जिल्ला अदालतमा यो मुद्दा दर्ता गराएकी हुन्। एलिना र विष्णुबीच २०८१ साल वैशाख ५ गते विवाह भएको थियो। विवाहपछि उनीहरू अस्ट्रेलियामा बसोबास गर्दै आएका थिए। तर, एलिनाले पतिले आफ्नो चरित्रमाथि शंका गर्ने, मानसिक तनाव दिने जस्ता कारणले सम्बन्ध विच्छेदको निर्णय लिएको बताएकी छिन्। उनले अंश तथा माना चामल नलिने गरी सम्बन्ध विच्छेदको मुद्दा दायर गरेकी हुन्।
